مها السبيعي
عدد المساهمات : 8 العمر : 41 تاريخ الميلاد : 27/06/1982 تاريخ التسجيل : 04/05/2011
| موضوع: اغراااااااء خااااااادمه الخميس مايو 26, 2011 8:16 am | |
| [center] [center][center]مرحبا
(( العنوان لا يمت للواقع بصلة ولا حتى من الرضاعه ))
والموضوع هذا عبارة عن مشاركة جماعية .. بي وبكم نتناول فيه مواقف الخادمات اللي تصير علينا في البيوت سواء المواقف الساخرة والا المواقف الجادة ونحاول من خلال هالموضوع نستعرض العادات الخاطئة بشكل ساخر
( أغراء خادمة )
فتحت باب الشارع وأنا تعبان أحس اني شايل كيسين سمنت وراقيبها عمارة المملكه من قوة الارهاق .. أول ما دخلت شفت في وجهي امي وهي تاكل علك وتقولي ( أبو هديب ) ترى اتصلوا علينا مطار الملك خالد وقالو شغالتكم وصلت تعالوا خذوها .. قلت لها يمه وش الي اتصلوا مطار الملك خالد شكلك تحسبين مطار الملك خالد رجال .. ناظرت فيني وكن ودها تخنقني بشيلتها وهي تقول
اقول رح جب الشغاله وخذ معك محرم .. قلت يمه وش محرمه انا رايح اجيب ( اليسا ) والا ( نانسي عجرم ) .. رايح اجيب شغاله وجهها كنه قرارة قدر محترق .. رفعت امي راسها وهي تقول ولو وأنا أمك الشيطان شاطر .. قلت والله لو كان الشيطان مذاكر صح وحافظ اساليب التحايل ما يمديه يعلب في راسي وأسوي شي .. هذي الشغاله جايه من سرلنكا يعني وجهها كنه وطية زبيريه فيها علك .. ما فيها من الحلاة شعره .. قاطعتني وهي تقول نعنبو خيرك وش هالحكي هذا قذف .. لا يسمعك القاضي يحكم عليك بالجلد من زين جلدك اللي كنه جلد تمساح منسدح على ظهره .
قاطعتها وأنا أقول يمه بصراحه نبي وجه حسن .. ايه وانا امك تبي وجه حسن رح شفه عند جيرانا .. التفت عليها وقلت منهو اللي اشوفه .. قالت سواق جيرانا ( حسن ) رح شفه ان كانك تبي تشوف وجهه .. تأففت وقلت قسم بالله انا احس اني ابدخل الجنه على يدك.. وش اللي حسن اقول حسن يعني زين .. مسكت اذني وهي تقول وش اللي وجه زين يا مال الضربه اللي تضربك .. جعله في وجهك هاللي كنه مطبات دورات الثمامه .. هذا وانت مافيك من الزين شعره .
قاطعتها وأنا أقول خلاص يمه أبروح اجيبها .. ويرحم والديك قبل ما اطلع أرمي العلك اللي في اثمك لو يجي أبوي ويشوفك تاكلينه بيطلع من البيت يحسب انه داخل على حرمه ثانية والسبه وجهك هاللي ينصفط مع كل علجه كنه باب مطعم ..ما أمداني اخلص كلامي إلا دخل أبوي وهو يقول درب ترى الشغاله جت .. وخرت شوي ثمن وقف أبوي وقام يأشر لي ويغمز .. قلت له وش فيه قال ابعد الشغاله بتدخل .. ناظرت فيهم وأنا أقول شكلها مرت اخوي مهوب شغاله .. قرب جنبي وهو يقول ( أبو هديب ) انا ما ابي الشغاله تشوفك عشان ما تخاذ في نفسها مقلب انها زينه لما تشوف خشتك وتبدى تسوي مقارنات وتاخذ انطباع شين عن شباب السعوديه انهم شيون .
ضحكت في وجهه ورقيت فوق وأنا أغلي .. ليش كذا .. وش في امهم كنهم ما قد شافو خير .. هذي وهي سرلنكيه لو هي اندوسيه وش بيسوون كان يستاجرون لي شقه والا يدبرون لي مؤ آمره اغتيال عشان ما تتغطى ..
مرت الأيام وكنت عايش تحت الحصار الشديد irate2: .. حصار اشد من حصار الفلوجه .. كنت أطلع ألقى أمي نايمه معها في الصاله وعلى نفس المطرحه .. ومغطيه وجه الشغاله بالكمبل وحاطه في فمها لي ومادته برى الكمبل عشان تقدر تتنفس ما تنكتم .. وفوق هذا كله رابطه رجلها برجل الشغاله يعني لو يشب البيت بتطمر الشغاله وتنحاش وتسحب امي معها في الدرج .. وامي الضعيفه ملزقه تلزيق يكفي شعرها المحنى كنه لهب نيران ..
عشت على هالحال ايام .. محاصر اطق باب الغرفة لما اجي اطلع وانتظر الاذن .. واقصر على التلفزيون عشان اخلي الشغاله تنام .. وان جيت ادخل البيت وسمعتها تكنس في الحوش انطق عند باب الشارع الين تطلع بشرتي مثل كولن باول عشان تخلص ثمن ادخل ..
وجا هذاك اليوم اللي اكسر فيه القوانين وادخل المطبخ .. وأنا داخل انتباني شعور وفضول اني اشوف وجه الشغاله .. مدري جاني شعور ولد في داخلي مثل قديم (( كل ممنوع مرغوب )) .. المهم كانت هي عند المجلا تغسل المواعين وانا عند الثلاجة .. قلت لها ( ريتا )) التفتت علي وهي تقول سم بابا .. هي التفت .. حسيت بغثيان وقولون .. وشلل نصفي من جهة المخيخ .. وتلبك في خلايا المخ نتيجة محاولته لتركيب صورة وجهها .. اللي لو اجيب اطلق مبرمج ما قدر يضبطها في الفوتشوب
أول ما شفتها تحمدت وقلت بالله هذا وجهك والا قناع .. ابتسمت وطلعت الضروس الصفر كنها صراويل سنه منشره على سطح عزوبيه ... وأنا أناظر دخلت أمي وعلى طول طاحت على الجدار وهي تمسك قلبها وتقول : هذا اللي كنت خايفه منه .. اللي خايفه منه حصل ولدي مع الشغاله .. ناظرت في أمي وأنا أضحك قلت يمه ترى حنا في المطبخ وأنا عند الثلاجه وهي عند المجلا وبعدين حركات المسلسلات المصريه بطليها تحطين يدك على قلبك وتطيحين ... وثاني شي ترى القلب في الجهه اليسار مهوب في اليمين ..
قالت لي انطم .. والله لعلم ابوك .. وش سويت بالقواعد اللي علمناك اياها والورقه اللي علقها لك ابوك على الجدار بخصوص اوقات الخروج من الغرفه ، والدخول لها ، وآداب الاستأذان .. قلت وأنا معصب .. بس ... بس خلاص كفايه والله لو أني مسجون في قنتانامو كان حطوا عقوبات اخف من هذي .. وش اللي هذا كله .. هالحين انتم جايبين شغاله عشان تريحنا في البيت ويتجمع شملنا .. وإلا جابين عله على قلوبنا .. وبعدين يمه .. لازم تعرفين أن الواحد لازم يعطى الثقه .. مهما كان ، وتكون الرقابه بحدود المعقول .. وأسلوبكم انت وأبوي غلط هو اللي يفتح عيون مغمضه ويخلي الشيطان يدخل ويحلي الشي في عيون الشخص .. يمه هالحين الفساد مهوب في البيوت بس .. الفساد في كل مكان لو يبغاه الشخص يلقاه .. لكن الواحد يمسك نفسه خوفا من الله ..
قالت لي امي .. وأنا أمك لازم نسوي كذا .. عشان حنا خايفين عليك .. قلت مهوب مشكله لازم تهتمون وتخافون بس مو بالطريقه هذي انها تكبت حريتي وتقيد حركتي في البيت .. صح انا معك فيه اماكن ما اروح لها مثل مكان نومها .. والا مكان معزول في البيت هي فيه .. لكن هذا المطبخ وانا ابي اشرب .. وانت نايمه مافيه احد ارسله للمطبخ .. انتظرك والا اجي اصحيك وانا عارف انك تعبانه ...
جتني امي وحطت يدها على راسي وهي تقول تصدق يا ولدي فكرنا في الشغاله وما فكرنا فيك ابد .. وما فكرنا ان هالشي يمكن يضايقك ويحسسك انك غريب في بيت ابوك .. لكن انا أوعدك ان هالشي راح يتغير وراح يكون لك كيانك في البيت وراح نعطيك الثقه لاننها لازم نحسن التقدير
اتمنى ان الموضوع يكون حاز على رضاكم ....
مع تحيات / مها السبيعي
( النهـــــايه )
ننتظر مواقفكم مع الخدم ... سواء هوشات والا مواقف ساخرة .. والا لحظات وداع مؤثرة عند باب الطيارة
<< وش لحظات وداعه لو انهم مودعين وائل كفوري [/center] [/center] [/center] | |
|
ღ سعودي غييررررررღ
عدد المساهمات : 32 العمر : 42 تاريخ الميلاد : 04/10/1981 تاريخ التسجيل : 07/05/2011
| موضوع: رد: اغراااااااء خااااااادمه الخميس مايو 26, 2011 2:44 pm | |
| انو انت قلت بتغير الكطود تبعك مو قلت لي اغير الصوره
| |
|
ღ سعودي غييررررررღ
عدد المساهمات : 32 العمر : 42 تاريخ الميلاد : 04/10/1981 تاريخ التسجيل : 07/05/2011
| موضوع: رد: اغراااااااء خااااااادمه الخميس مايو 26, 2011 2:44 pm | |
| | |
|
مها السبيعي
عدد المساهمات : 8 العمر : 41 تاريخ الميلاد : 27/06/1982 تاريخ التسجيل : 04/05/2011
| موضوع: رد: اغراااااااء خااااااادمه الأحد مايو 29, 2011 2:58 am | |
| وين التفاااااااااااااااااااااااااااااااااااعل | |
|
ĴóØŏKễR
عدد المساهمات : 865 العمر : 37 تاريخ الميلاد : 13/05/1987 تاريخ التسجيل : 12/02/2011
| موضوع: رد: اغراااااااء خااااااادمه الأحد مايو 29, 2011 4:08 am | |
| هدا اول موضوع لك يامهااااااااااااااوي ما شاء الله الموضوع قصير [ندعوك للتسجيل في المنتدى أو التعريف بنفسك لمعاينة هذه الصورة]شوقني القصه الولد وشغاله ونحن نستفيد من هدا المواضيع وناخد عبره وموعضهانا وصغير كان عندنا شغله وبعض مرات نشك فيها يعني نحس في شي ناقص في البيتعلى طول كل الانظار تتجه لشغاله يعني كلو شكوك مافي شي خطير مثلا المهم تقعد معنا شهور ونسفره خارج السعوديه بيني وبينك ( انا ما اارتاح بوجود الشغاله) سوء ماعملت شي او عملتوالحمد الله البيت بخير ومانحتاج شغاله البيت تمام بدونها ونتظر جديدك يامهاااوي وابدعاتك وشكرا M&S [ندعوك للتسجيل في المنتدى أو التعريف بنفسك لمعاينة هذه الصورة] | |
|
مها السبيعي
عدد المساهمات : 8 العمر : 41 تاريخ الميلاد : 27/06/1982 تاريخ التسجيل : 04/05/2011
| موضوع: رد: اغراااااااء خااااااادمه الثلاثاء يونيو 07, 2011 1:35 pm | |
| | |
|
انا مش ملاك
عدد المساهمات : 555 العمر : 30 تاريخ الميلاد : 19/12/1993 تاريخ التسجيل : 11/02/2011
| موضوع: رد: اغراااااااء خااااااادمه الأربعاء يونيو 08, 2011 7:17 pm | |
| | |
|
zaho
عدد المساهمات : 281 العمر : 32 تاريخ الميلاد : 22/06/1991 تاريخ التسجيل : 02/05/2011
| موضوع: رد: اغراااااااء خااااااادمه الإثنين يونيو 13, 2011 1:08 pm | |
| | |
|